Plan Pèfòmans Eta Delaware a – Bay Fidbak Ou
Depatman Edikasyon Delaware a (Delaware Department of Education, DDOE) envite piblik la pou bay opinyon ak fidbak li sou 17 domèn – oswa endikatè – yo mete nan Plan Pèfòmans Eta (State Performance Plan) Delaware a.
Kisa Plan Pèfòmans Eta a ye?
- Gen yon rapò chak sis (6) lane ke Biwo Federal pou Pwogram Edikasyon Espesyal la (Office of Special Education Programs, OSEP)egzije epi rapò sa a eksplike kòman DDOE, distri yo epi lekòl endepandan yo (charter schools) amelyore rezilta elèv yo ak jèn moun ki gen andikap atravè tout eta a
- Egzije OSEP pou bay mizajou pwogrè anyèl yo chak 1ye Fevriye daprè done ki soti nan ane eskolè anvan an
- Pèmèt yon amelyorasyon fèt nan rezilta elèv ki gen andikap yo
- Asire DDOE, distri yo ak lekòl endepandan yo reponn ak egzijans Lwa federal sou Edikasyon Moun Ki Gen Andikap yo (Individuals with Disabilities Education Act, IDEA), Pati B
- Devlope an patenarya ak plizyè moun ki konsène nan Delaware, gen ladan fanmi, edikatè, defansè ak òganizasyon kominotè – ale sou Rapò Anyèl Pèfòmans Delaware pou Elèv ki gen Andikap yo, Apèsi sou Fiksasyon Objektif pou Opinyon Piblik la (Delaware Annual Performance Report for Students with Disabilities Target Setting Overview for Public Input)pou ka jwenn plis enfòmasyon
Kisa endikatè yo ye?
- Se 17 domèn nan Plan Pèfòmans Eta a ki eksplike fason Delaware ap edike elèv ki gen andikap yo epi prepare yo pou lavi k ap tann yo apre yo fini ak lekòl segondè yo a
- Chak endikatè gen ladann objektif pou amelyorasyon ansanm ak estrateji epi aktivite y ap aplike pou atenn objektif yo
- Egzanp:
- Endikatè 1 an mezire pousantaj elèv ki gen andikap yo epi elèv sa yo rive resevwa yon diplòm lekòl segondè
- Endikatè 3 a mezire rezilta elèv ki gen andikap yo fè nan evalyasyon eta a
- Endikatè 5 lan mezire valè tan elèv ki gen andikap yo edike ansanm avèk kamarad yo genyen ki pa gen andikap yo pandan jounen lekòl la
Kòman pou mwen bay fidbak mwen?
- Yo envite piblik la bay fidbak li sou fason DDOE ak moun ki konsène yo ap fikse objektif epi idantifye aktivite amelyorasyon yo pou chak grenn nan 17 endikatè yo
- Tanpri, revize chak endikatè epi ranpli sondaj ki asosye yo anvan Vandredi 28 Janvye
Endikatè ak Sondaj
Tanpri, asire ou revize prezantasyon Rapò Anyèl Pèfòmans Delaware pou Elèv ki gen Andikap yo, Apèsi sou Fiksasyon Objektif pou Opinyon Piblik la (Delaware Annual Performance Report for Students with Disabilities Target Setting Overview for Public Input). Yo ka fè referans prezantasyon sa a nan tout endikatè yo ak sondaj ki nan lis anba a.
Done Tranzisyon
Yo ka konsidere tranzisyon an kòm yon pon ki ant pwogram lekòl yo ak opòtinite ki nan lavi adilt yo, tankou edikasyon siperyè oswa fòmasyon, travay, lavi endepandan epi patisipasyon nan kominote a.
Endikatè 1 – To Gradyasyon
Pousantaj jèn ki gen Pwogram Edikasyon Endividyalize a (Individualized Education Programs, IEP), k ap soti nan lekòl segondè ansanm avèk yon diplòm lekòl segondè òdinè.
Endikatè 2 – To Abandon
Pousantaj jèn ki gen IEP, k ap abandone lekòl segondè
Endikatè 13 – Tranzisyon nan IEP a
Pousantaj jèn ki gen IEP ki nan laj 14 lane oswa pi plis, oswa ki nan klas 8yèm ane, ki gen yon IEP ki gen ladann objektif mezirab ki apwopriye apre lekòl segondè a:
- Yo mete ajou chak ane epi ki baze sou yon evalyasyon tranzisyon ki adapte pou laj yo;
- Ki dokimante aktivite ak sèvis tranzisyon mezirab la (pou ane eskolè aktyèl la), ki gen ladan pwogram etid la, ki pral pèmèt elèv la atenn tout objektif li genyen pou apre lekòl segondè a;
- Ki gen ladann objektif anyèl IEP yo, ki gen rapò ak bezwen sèvis tranzisyon elèv la;
- Bay prèv yo te envite elèv la nan reyinyon Ekip IEP a, kote yo diskite sou sèvis tranzisyon yo; epi
- Bay prèv, si sa apwopriye, ke yo te envite yon reprezantan nenpòt ajans k ap patisipe nan pwogram nan epi ki responsab pou bay oswa pou peye sèvis tranzisyon yo nan reyinyon Ekip IEP a ansanm avèk konsantman davans paran an, oswa konsantman elèv ki rive nan laj majè a (18 lane).
Endikatè 14A – Rezilta aprè lekòl (Mezi A)
Pousantaj jèn ki pa nan lekòl segondè ankò, ki te gen IEP anvigè nan moman yo te kite lekòl la, epi yo te:
A. Enskri nan edikasyon siperyè nan espas yon (1) ane apre yo fin kite lekòl segondè a.
Endikatè 14B – Rezilta aprè lekòl (Mezi B)
Pousantaj jèn ki pa nan lekòl segondè ankò, ki te gen IEP an vigè nan moman yo te kite lekòl la, epi yo te:
B. Enskri nan edikasyon siperyè oswa vin yon anplwaye konpetitif nan espas yon (1) ane apre yo fin kite lekòl segondè a.
Endikatè 14C – Rezilta aprè lekòl (Mezi C)
Pousantaj jèn ki pa nan lekòl segondè ankò, ki te gen IEP anvigè nan moman yo te kite lekòl la, epi yo te:
C. Enskri nan edikasyon siperyè oswa nan lòt pwogram edikasyon fòmèl oswa fòmasyon apre lekòl segondè; oswa vin yon anplwaye konpetitif; oswa angaje nan yon lòt travay nan espas yon (1) ane apre yo fin kite lekòl segondè.
Done Ekite
Edikasyon ekitab la se pouswit akonplisman, jistis, ak opòtinite nan edikasyon. Lè w asire yo pa mete elèv ki gen andikap yo anba sispansyon a yon pousantaj ki pi wo pase kamarad yo a, sa se yon fason pou lekòl yo ka ankouraje ekite nan pratik disiplin lekòl la.
Endikatè 4A – Sispansyon/Ekspilsyon avèk Gwo Diferans
Endikatè 4B – Sispansyon/Ekspilsyon avèk Gwo Diferans
Pousantaj distri ki genyen:
- Yon gwo diferans selon ras oswa orijin etnik, nan pousantaj sispansyon ak ekspilsyon ki pi plis pase 10 jou nan yon ane eskolè pou timoun ki gen IEP yo; epi
- Règleman, pwosedi oswa pratik ki kontribye nan gwo diferans lan epi ki pa konfòme yo ak egzijans ki gen rapò ak devlopman epi aplikasyon IEP yo, itilizasyon entèvansyon ak sipò konpòtman ki pozitif, ak pwoteksyon pwosedi yo.
Endikatè 9 – Reprezantasyon Demezire nan Edikasyon Espesyal
Pousantaj distri ki gen yon reprezantasyon demezire pou gwoup rasyal ak etnik ki nan edikasyon espesyal la ak sèvis ki gen rapò yo, ki se rezilta yon idantifikasyon ki pa apwopriye.
Endikatè 10 – Reprezantasyon Demezire nan Kategori Espesyal pou Moun Ki Gen Andikap yo
Pousantaj distri ki gen yon reprezantasyon demezire pou gwoup rasyal ak etnik ki nan kategori espesyal pou moun ki gen andikap yo, ki se rezilta yon idantifikasyon ki pa apwopriye.
Anviwònman Ki Gen Mwens Restriksyon
Anviwònman Ki Gen Mwens Restriksyon an (Least restrictive environment, LRE) se pa yon kote – men se pito yon prensip ki gide pwogram edikasyon yon timoun. Tout timoun ta dwe gen chans pou yo edike, meyè fason sa posib la, ansanm avèk tout kanmarad yo genyen ki nan kominote yo a. Aplikasyon prensip sa a ka parèt diferan pou chak timoun paske timoun yo inik.
Endikatè 5 – Anviwònman Edikatif Ki Gen Mwens Restriksyon
Pousantaj timoun ki gen laj pou lekòl ki gen Pwogram Edikasyon Endividyalize a (Individualized Education Programs, IEP), ki gen 5 lane epi ki enskri nan Jadendanfan epi ki nan laj 6 jiska 21 lane, yo te sèvi nan anviwònman yo endike anba a.
Chèche Timoun
Lè yo resevwa konsantman alekri paran yo pou yon premye evalyasyon ki pou sèvis edikasyon espesyal yo, lekòl la oblije fin fè evalyasyon an nan yon dèle.
Endikatè 11 – Premye Evalyasyon
Pousantaj timoun ki te evalye pou sèvis edikasyon espesyal yo nan espas 45 jou lekòl oswa 90 jou sivil, selon dèle ki pi kout la, aprè yo fin resevwa konsantman alekri paran yo pou premye evalyasyon an.
Evalyasyon Eta a
Evalyasyon an se yon pati enpòtan nan ansèyman, sitou lè li ede nan ekite ak kalite edikasyon an; li ranpli plizyè objektif pou edikatè, elèv, paran, ak manm ki nan kominote a. Evalyasyon yo administre nan nivo eta a, distri/lekòl endepanda, ak lòt lekòl yo konbine pou fòme yon sistèm ki sipòte kwasans elèv yo.
Endikatè 3A – Patisipasyon
Pousantaj elèv ki gen andikap ki te patisipe nan evalyasyon ki fèt nan tout eta a pou Matematik ak Lekti nan klas: 4èm ane, 8èm ane, ak Lekòl Segondè.
Endikatè 3B – Pèfòmans
Pousantaj konpetans pou timoun ki gen IEP yo pa rapò ak estanda reyalizasyon akademik klas yo pou Matematik ak Lekti nan klas 4èm ane, 8èm ane, (Evalyasyon Pou Yon Pi Bon Ekilib) (Smarter Balance Assessment) ak Lekòl Segondè ((Tès Evalyasyon Eskolè a (Scholastiv Assessment Test, SAT- klas 11èm ane))
Endikatè 3C – Evalyasyon. Altènatif
Pousantaj konpetans pou timoun ki gen IEP yo pa rapò ak estanda reyalizasyon akademik klas yo pou Matematik ak Lekti nan klas 4èm ane, 8èm ane ak Lekòl Segondè (Evalyasyon Kat Aprantisay Dinamik la) (Dynamic Learning Map Assessment).
Endikatè 3D – Mank Nan Konpetans
Pousantaj konpetans pou elèv ki gen IEP k ap fè evalyasyon regilye a pa rapò ak tout elèv k ap fè evalyasyon regilye a.
Endikatè 17 – Plan Amelyorasyon Sistemik Eta a, Alfabetizasyon Timoun Piti
Pousantaj konpetans pou timoun ki gen IEP yo pa rapò ak estanda reyalizasyon akademik pou Lekti nan klas 3yèm ane (Evalyasyon Pou Yon Pi Bon Ekilib oswa Evalyasyon Kat Aprantisay Dinamik la).
Angajman Paran yo
Paran yo se yon manm enpòtan nan ekip ki la pou edikasyon timoun yo a. Nan Delaware, paran elèv ki gen andikap yo resevwa yon sondaj chak ane ki pèmèt yo bay opinyon (fidbak) yo sou opòtinite patisipasyon paran yo.
Endikatè 8 – Patisipasyon Paran yo
Pousantaj paran ki gen yon timoun k ap resevwa sèvis edikasyon espesyal la, epi paran sa yo fè konnen lekòl yo fasilite patisipasyon paran yo kòm yon mwayen pou amelyore sèvis pou timoun ki gen andikap yo.
Anviwònman Preskolè
Menm jan ak kamarad yo genyen ki nan laj pou lekòl yo, timoun preskolè ki gen andikap yo gen dwa pou yo resevwa yon edikasyon piblik ki gratis epi ki apwopriye nan anviwònman ki gen mwens restriksyon an. Sa gen ladann aksè a bon kalite pwogram pou timoun piti, kote y ap ba yo sipò endividyèl pou reponn ak yon seri gwo atant, menm jan ak kamarad yo genyen ki san andikap yo.
Endikatè 6 – Anviwònman Edikatif Ki Gen Mwens Restriksyon, Preskolè
Pousantaj timoun ki gen IEP ki nan laj 3 lane, 4 lane, ak 5 lane, ki enskri nan yon pwogram preskolè k ap patisipe nan yon:
- Pwogram regilye pou timoun piti epi k ap resevwa majorite edikasyon espesyal la ak sèvis ki asosye nan pwogram regilye pou timoun piti yo; epi
- Klas edikasyon espesyal ki separe, lekòl ki separe oswa etablisman rezidansyèl.
- Resevwa yon edikasyon espesyal ak sèvis ki asosye yo adomisil.
Rezilta pou Timoun Piti yo
Twa rezilta pou timoun yo siyifi konesans timoun yo bezwen ansanm ak aksyon ki nesesè pou fonksyone byen atravè anviwònman yo. Pou reyisi, li enpòtan pou timoun yo kapab antann yo ak lòt moun, swiv règ ki nan yon gwoup, kontinye aprann nouvo bagay, epi pran swen tout bezwen debaz yo yon fason ki apwopriye. Lè timoun yo rive atenn rezilta sa yo, sa ap ede timoun yo pwogrese lakay yo, nan lekòl yo, ak nan plizyè anviwònman atravè kominote yo.
Endikatè 7A1 – Konpetans Sosyo-Emosyonèl
Endikatè 7A2
Pousantaj timoun preskolè ki nan 3 jiska 5 lane epi ki gen IEP, ki demontre amelyorasyon nan twa Rezilta pou Timoun Piti yo:
A. Konpetans sosyo-emosyonèl ki pozitif (ki gen ladan relasyon sosyal)
Endikatè 7B1 – Aprantisay ak Itilizasyon Konesans
Endikatè 7B2
Pousantaj timoun preskolè ki nan 3 jiska 5 lane epi ki gen IEP, ki demontre amelyorasyon nan twa Rezilta pou Timoun Piti yo:
B. Aprantisay ak itilizasyon konesans ak konpetans (ki gen ladan langaj/kominikasyon bonè ak alfabetizasyon bonè)
Endikatè 7C1 – Konpetans Konpòtmantal Ki Apwopriye
Endikatè 7C2
Pousantaj timoun preskolè ki nan 3 jiska 5 lane epi ki gen IEP, ki demontre amelyorasyon nan twa Rezilta pou Timoun Piti yo:
C. Itilizasyon konpòtman ki apwopriye pou reponn ak bezwen yo.
Tranzisyon Bonè
Timoun yo ak fanmi yo ta dwe benefisye yon tranzisyon rapid epi ki san pwoblèm, soti nan pwogram Entèvansyon Bonè ki anba Pati C ki nan Lwa sou Edikasyon pou Moun ki Gen Yon Andikap yo (Individuals with Disabilities Education Act, IDEA) pou rive nan Pati B ki nan edikasyon espesyal ak sèvis ki asosye yo. Sa gen ladann yon konferans tranzisyon rapid avèk distri lekòl k ap resevwa li a, yon premye evalyasyon rapid, detèminasyon pou kalifikasyon ak yon premye IEP ki devlope epi aplike anvan twazyèm anivèsè yo.
Endikatè 12 – Tranzisyon pou Timoun Piti
Pousantaj timoun Pati C refere yo, anvan yo gen 3 lane epi yo jwenn yo kalifye pou Pati B, epi ki gen yon IEP ki devlope epi ki aplike anvan twazyèm anivèsè nesans yo.
Medyasyon ak Rezolisyon Dispit
Medyasyon an se yon fason moun ka itilize pou rezoud pwoblèm nenpòt lè gen yon konfli. Lè yo depoze yon plent pou pwosedi regilyè, yon sesyon rezolisyon se yon fason moun ka itilize pou rezoud pwoblèm.
Endikatè 15 – Sesyon Rezolisyon
Pousantaj demann odyans ki te ale nan yon sesyon rezolisyon epi ki te rezoud atravè akò règleman sesyon rezolisyon an.
Endikatè 16 – Medyasyon
Pousantaj medyasyon ki te fèt epi ki te lakòz akò medyasyon.
